咪咪麼麼

僮僮B已經參加咗"Canon全港精靈BB選舉大賽"請大家湧躍投佢神聖一票!!!^^

2009-09-01T04:24:00.005+08:00

僮僮B已經參加咗"Canon全港精靈BB選舉大賽"請大家湧躍投佢神聖一票!!!^^

原來每一個 e-mail 都可以投每張相一次!!!其次只要 e-mail 不同,名字一樣亦可以再次投同一張相喇!!!總之認 e-mail 唔認名啦!!!多謝大家投僮僮一票

1...第10頁第5行, 第6張, 飲緊Qoo兒!!!(只投一張就簡佢啦!)

2...第10頁第5行, 第7張, 學生照!!!

http://fevahost.fevaworks.com/minisite/skh/?page=10

3...第6頁第10行,第6張, 扮貓貓!!!

4...第6頁第10行, 第7張, 沙灘照!!!

http://fevahost.fevaworks.com/minisite/skh/?page=6

自家製Tee

2008-11-13T02:35:00.001+08:00

08年8月阿丙爸為阿丙B畫咗Elmo公仔係衫衫度 ,

點知著咗一次 , 攞去洗之後件衫完完本本咁 ,

變番做白色(褪晒色)@@'........
最好彩係總算著過出街影低過 !

到10月尾 !!! 阿丙爸丙媽路過文具店 ,

買咗幾支另一牌子專畫衫衫的筆筆 ,

發現原來要燙過先得 ,

決定咗用番件衫再畫一次 ! 今次畫咗塊Panda面面 !
仲未試水......希望今次唔會再褪色啦 !

翻新!!!

2008-11-04T04:09:00.001+08:00

僮B : 記得一年前爸B就設計咗依件衫衫等我哋一家人參加萬聖節派對 !
今年我哋一家人又再次著住依件衫.....不過今次係換上黑色襯衣 ,
就更加襯番依個黑色萬聖節主題喇 !

08年10月24日阿僮木大戰迪迪尼 Halloween -三部曲

2008-11-03T03:19:00.001+08:00

僮B : 今次我地全家穿上爸B設計的南瓜衫去迎戰萬聖節迪迪尼!!!

僮B : 由於今日爸B媽咪等埋我放學先入迪迪尼玩 ,
所以無大公仔影相相 ! 影吓史迪仔門口個公仔啦 !

僮B : 去到小小小世界 , 爸B相話同媽咪影吓相相 !
所以叫我幫手看管住啲袋袋 , 我僮僮當然瞓晒身去做啦 !
真係架 ! 有相為證 !

僮B : 今次啲姐姐哥哥好好人 , 不停送貼紙畀僮僮 !

所以我都影低吓啲戰績畀大家睇吓 !

爸B : 玩得開心 , 人都鬼馬啲 !

僮B : 今次我地係小小小世界門前睇煙花 !

好近好大聲 ! 好好睇 !

僮B : 睇巡遊時 , 姐姐送咗個阿JACK公仔頭畀僮僮 !

爸B都有一個 !

僮B : 今次係我僮僮B今個月第三次睇阿JACK巡遊了 !!!!

爸B話下次要等出年Halloween先再有機會見 !

僮B : 今次我仲有機會同三眼仔揮手啊 !

萬聖節卡

2008-11-03T03:12:00.000+08:00

爸B媽咪用咗幾個鐘(深霄)幫僮僮B做咗三張卡送給老師!!!

僮僮B都有出力架!!!一早起身媽咪捉住手仔寫咗幾隻字咁囉!!!

儲齊咗喇!!!!

2008-11-03T03:07:00.000+08:00

咪迪士尼Halloween貼紙囉!!!

08年10月10日阿僮木大戰迪迪尼 Halloween -二部曲

2008-10-11T02:51:00.001+08:00

想睇相 ,仲唔快啲登入"丙哥丙嫂的網上相薄"!!!!

http://picasaweb.google.com/memopet/HongKongDisneylandHalloween2

08年10月4日...僮僮2歲喇!!!

2008-10-04T02:38:00.000+08:00

我家的小寶貝2歲了!!!

08年7月26日...福娃迎奧運

2008-09-01T02:51:00.000+08:00

本來諗住帶阿丙Ｂ去睇吓真人扮福娃，點知要安險！
試想吓有ＢＢ又點會無野食丫！
因為唔畀帶野食入場，最後只好係門口影吓算！

08年8月29日...籠屋

2008-09-01T02:33:00.001+08:00

me女：mo仔贏咗....可以瞓上格床了!!!....

丙哥：咪玩啦!?...依個係雜物架，唔係床啊!!

08年8月26日...4歲的me女係幾咁長架!

2008-09-01T02:09:00.001+08:00

4歲大囉!!!....你地睇me女依家幾大隻!!!

08年7月18日...不一樣的雞蛋仔!!!

2008-07-19T01:24:00.000+08:00

今日我哋丙家又出動去太古城散步...，離開前到吉之島掃吓！

係食街，阿丙媽發現樣新奇東東，

一眼望上去，樣子十足我哋平時食嗰啲雞蛋餅，

仲有十幾款不同顏色不同口味畀大家選擇，

本來我就無乜興趣，但阿丙媽企咗係廚窗前好耐都唔行...

一直想等售貨員來，想問吓有無得試食，但看來就無了。

因為我見售貨員一埋嚟，丙媽就已經依個依個咁點緊心水款式了！

最後就係選咗依五粒嘢！

大家實係心諗...乜得五粒咁少？又話雞蛋仔，唔係一底底咩？

所以我話似嗟，其實佢係隻法國杏仁餅！一盒12粒，一粒粒賣的！

大家睇吓個價錢就知點解買得五粒喇！依度就係五粒的價錢！

08年7月12日...我們這一家....

2008-07-13T02:35:00.004+08:00

褔娃有五隻...我們這一家...丙哥丙嫂丙B的家庭裝都有三隻熊貓ccccc...

(我好似第一次放我們這一家的正面全家幅上blog喎!!!^^)

08年7月12日...兩熊相遇...

2008-07-13T02:30:00.002+08:00

僮僮大戰五褔娃!

08年6月25日...晒冷

2008-06-26T02:36:00.003+08:00

好耐好耐以前....阿丙爸就很想檢閱一次我們這一家的收藏品(公仔)!!!

今日就一次過擺晒係度畀大家睇吓...^^!!!

其中有接近一半都係阿丙B出世後的禮物或才購買呢!!!

單單眼見的...總數約一百三十件之多呢!!!(肉眼看...無真正數過!!!)

另一個阿丙爸的夢想...就係可以有一間房能夠放滿晒毛毛公仔，

然後可以跳落去畀啲毛毛公仔完完全全咁圍住!!!
好似史高治叔叔咁係啲錢度游水!!(不過我啲係公仔咁解嗟!!!)...

雖然...依個夢想未能實現!!!

但今日就由阿丙B去睇驗一吓依個迷你版毛毛公仔池啦!!!

08年6月21日...遊MegaBox

2008-06-23T02:15:00.001+08:00

今日阿僮木係MegaBox大展灌藍技術.....技驚四座!!!

全中!!!.....(當然要職員哥哥幫手啦...ccccc)

唔知幾時有WNBA球搵我傾吓呢?

之後再挑戰一級方程式......豬仔車大賽!!!

經過一場龍爭虎鬥，阿僮木當然勇奪冠軍........雖然由尾數上!!!

（全程無陏過....ccccc）我地七月會再次卷土重來!!!

但這次總算係阿僮木首次參與的公開比賽...!!!

可能18年後一代女車神就此誕生!!!

最後阿僮木係九樓首次遇上柏濤哥哥!!!

臨走時，兩個小朋友亦都握手道別!!!

今天阿僮木過得很充實呢!!!^^

08年6月10日...阿僮木大戰迪迪尼-二部曲

2008-06-17T02:45:00.000+08:00

經過上個月的一場大戰過後，阿丙Ｂ再度出戰迪迪尼！
今次出戰目的，係為咗我地（丙爸及丙Ｂ）最親愛的丙媽生日而戰！
今次阿丙Ｂ仲遇到宇宙最百厭的史迪仔！
正好來一場百厭大比併！最後當然係阿丙Ｂ最百厭啦！ccc

今次仲遇到換咗季的米奇同米妮！

親切的唐老鴨！

幾時都咁熱情的布魯托！

丙Ｂ最掛住的維尼熊！

唔少得的，有好多好多既金仔！

08年6月13日...甜甜密密

2008-06-14T03:07:00.001+08:00

剛剛放工返屋企....!

一入屋就見到畫板上畫了一幅有丙爸及丙媽的火柴人.....!

感覺好sweet!!!....^^所以我都手多多加埋丙B上去!

一家人丫嘛!!!

迷你檔口仔

2008-05-23T11:10:00.000+08:00

第一次到訪位於銅鑼灣的迷你檔口寄賣點!!!
地點係某個地鐵站出口對面商場!!!快啲嚟睇吓啦!!!
當然大家亦可登入依個網址 : http://caddis.com.hk/course.html

08年5月21日...阿僮木大戰迪迪尼-首部曲

2008-05-22T01:38:00.003+08:00

為了補祝丙爸丙媽的周年紀念

阿丙B就送出很多第一次作為禮物......

首先丙B帶住Pooh Pooh戰戰驚驚出發

第一次...乘座迪士尼列車

第一次...踏足迪士尼世界

第一次...見到迪士尼城堡

第一次...見公主(丙B認為)

第一次...拜訪維尼熊屋企

第一次...見巴斯光年驚驚

第一次...同維尼親密拍照

第一次...睇花車巡遊表演

第一次...睇迪士尼3D電影

等等....................

出年的520我哋會再黎!!!!

(不過到時已經唔知係第幾次了,

因為丙媽同丙爸都買咗全年通行證!!)

^^丙B有排玩了cccc

08年5月20日...一個不平凡的日子

2008-05-20T03:22:00.002+08:00

因為妳
丙媽

一個平凡的數字
520

從此變得不平凡
丙媽520

食過最快的混一色牌！

2008-02-18T03:19:00.000+08:00

一摸上手........就係咁!!!!!

當我執番整齊時........就見倒係咁！
就咁依手牌我只係摸咗一隻紅中，隨手打一筒，
之後下家打隻紅中，我碰完就打埋隻七索。
連第二隻牌都未摸，上家就打埋隻發財！
當時諗都無諗就食咗！六番！
本來正路應該做埋對對，但實在忍唔倒手！嘻嘻！
反正都係玩吓嗟！依手係我食過最快的六番牌！！！

新一年又到喇!!!!!

2008-02-18T03:06:00.003+08:00

2007年

2008年

每年新年阿丙嫂都會為屋企佈置一翻,今年亦唔例外!!!
係咪好熱鬧咁呢?!^^

meme : 我靚嘛????

2008-01-09T11:54:00.000+08:00

大家有福了!!! me女都好少咁乖企定定比個正相我影了!!!!^^

2008年1月8日

2008-01-09T11:47:00.000+08:00

一件衫(無錯真係一件衫)就可以令到兩隻衰野乖乖一齊瞓!!!!

佢地好耐無拍埋瞓了!!!(雖然有隔幕!!ccc)

2008年1月6日

2008-01-09T11:40:00.000+08:00

嘩!!!成幾個月無新相了,都真係有啲過意唔去!!!

識逢搬了新居又到了新一年!!!放些新相吧!!!

搬了新居!!!!!..兩個小朋友都話..感覺良好!!!cccc

走犯

2007-11-02T11:54:00.000+08:00

衰女偷偷地走出路台喎!!!!

哈嚕哈嚕....喂!!!!

2007-10-31T03:00:00.000+08:00

我地一齊黎應吓節啦!!!!

2007年10月7日

2007-10-08T13:35:00.000+08:00

兩條大懶虫.....

登..登..登..鄧...........緊張時刻到喇!!!!!!

2007-10-03T12:06:00.000+08:00

"僮"畫世界

2007-09-17T03:02:00.000+08:00

係喎!....."僮"畫世界.....已經出到八月號了!!!內容極之豐富,又攪笑!有空不妨去參觀吓啦!^^
http://hk.myblog.yahoo.com/tongtong_chan

中秋晚會

2007-09-17T02:06:00.000+08:00

9月15日屋苑的中秋節晚會.....阿僮木就穿起由阿丙爸自己設計的公仔衫衫去應吓節,亦係阿僮木第二次過中秋^^!!第一次佢仲係剛剛出世拾吓拾吓....雖然第二次都一樣!!!cccc另外!今次阿丙媽仲係晚會中中咗大奬!!!!!真係講你都唔信,佢竟然係因為買兩罐汽水而揪中大奬!!!雖然只係一個價值$150的小型轉轉茶杯玩具(未除價錢牌cc)!!但已經超晒值!!丙媽還覺得有點不好意思!!!本來買兩罐加起來才$10的汽水有奬揪已經係一個驚喜,還沒諗過竟是過百元的玩具呢!!一心想是數十元的文具來!阿丙爸當然得一時間影番張威水照啦!!!^^

失物!!!

2007-09-02T14:50:00.000+08:00

尋找失蹤的毛仔?!........大家又搵唔搵到呀????

新入貨!!

2007-09-02T13:39:00.000+08:00

依件衫就係喺 " alexyellow " (魔舖)度買架喇!
啲公仔係咪好可愛呢???
本來公仔面色有一點偏紅,但影相出黎就無咁覺眼!!!

新購魔物!

2007-08-24T02:33:00.000+08:00

從新開的魔舖 ( cutehouse ) 中購回來的魔物現成品 !
女裝 ( 粉紅色 ) 在質料上應該不是全綿 , 所以質感比較硬身 ,
而嬰兒裝 ( 白色 ) 是全綿 , 所以柔軟 , 但太薄了 , 只適合用作底衫 !
整體上 , 衫的質感及厚度希望可以適合作為一件 Tee !

新增"魔舖"欄

2007-08-19T02:32:00.000+08:00

http://cutehouse.mallid.com/main.do?a=a1

新發現

2007-08-14T02:15:00.000+08:00

最近有個舊同事係網上開咗檔野!我覺得好值得同大家推介一吓!^^
不如大家都去參觀吓啦!!!
http://alexyellow.mallid.com/main.do?a=a1

丙哥丙嫂網上相簿

2007-07-09T11:36:00.000+08:00

NEW - 旅行相簿

東京之旅 07'

2007-07-02T02:44:00.000+08:00

2007/6/8 第一日(新宿/涉谷/池袋)
新宿是我地入住酒店的所在地!
日與夜的差距亦都很大,晚上熱鬧得多!
而講到涉谷以及池袋 ,亦因為時間關係我只是走馬看花!
所以無乜特別感覺.
2007/6/9 第二日(橫濱)
橫濱的景點很多,其中包括 麵包超人館 .
而起初行程中,唯恐時間不夠,沒有加入此景點!
但丙媽又很想去,所以在緊密的行程中,加插了!
到逹的一刻,看見眼前的景況,整個人都很興奮很開心.
大門前很多一家大小來渡天倫的人,小朋友們崩崩跳跳的.
隨處可見都是嬰兒車,心想,等僮僮大個務必戴佢黎玩!
入內,雖然看似地方小小,但周圍滿報很多有趣的小裝置,
每間商店亦各有特色,很多用上麵包超人樣貌的食品,
一定能夠滿足那些麵包超人粉絲們,
最後雖然令到行程更緊密,但感覺是值得推介的!
尤其是那些童心未泯以及有小朋友的成年人啊!
其次還到了 Bayside marina outlet .不過,
由於在麵包超人館玩得太開心關係,所以只逗留了很短時間,
亦沒有什麼收獲,下一站 八景島 !
時間,都係時間問題,還有的是,當還有陽光的時候,
已落住毛毛雨,到入黑已變作傾盤大雨了,所以,
亦只能看了劇場表演(咪即係海洋公園的海豚表演),
及水族館吧了,不過水族館總算可以,其中,
還第一次看到北極熊交配呢!都是人生難得一見!
而圖中藍色的建築物是海豚館,內裏會有初生海豚,
不過時間關係,還是沒有參觀.

2007/6/10 第三日(舞濱)
今日係整個旅程的重點所在,就係去 迪士尼樂園 !
點解咁大陣仗要黎日本迪士尼?因為今日係....
我老婆阿丙嫂生日囉!一心諗住黎迪士尼攞個生日襟章,
點知...得張貼紙!喔噢!不過,今日個天都總算有眼,
原本,入場時落住雨,寸步難行,只可以係美國大街望吓!
最後買咗兩件衫同兩個耳仔夾,亦見到小木偶,
影埋相,都係要開始起行,丙嫂唯有穿上便利雨衣出發!
本來問起工作人員都話今日遊行因為落雨會取消,
即刻覺得好掃興,唯有繼續搵其他表演睇,同玩啦!
之後睇完個劇場表演,出到黎,已經停雨了!
仲發現工作人員拖埋地,仲有廣播遊行就快開始.
總算是萬幸!
下圖就係起初所有人都迫晒係美國大街的情形.
雨後的卡通人物區係咪鮮艷好多呢?

2007/6/11 第四日(三鷹/淺草)
三鷹之森 Ghibli 美術館 ,亦即是香港人稱的宮崎駿博物館!
其實 Ghibli 係宮崎駿動畫工作室的名稱!
此館由宮崎駿大師親自設計!地方細細,每處地方都很花心思!
內裏可以睇到好多宮崎駿早期的作品,
而佢個工作室,任可人見到都會嘩一聲!
當你見到一幅幅貼滿手稿的牆身,同好多大型裝置,
都會令人聯想到做動畫係幾咁幸苦!
而淺草的雷門雖然只是小小的一條街和一問寺廟,
但係我見到比較多日本小工藝擺賣的地方,
其實可能係我搵唔到嗟,雷門都算係買手信的好地方!

2007/6/12 第五日(上野)
到最後一日,上野好多人都推介為買手信的好地方!
而 Yamashiroya 我亦認為是年青人必去之處,
由於在同事介紹的壽司放題食得耐咗(真係好抵食),
所以唔夠時間係Yamashiroya掃貨,所以,
大家有機會去的話,記得預留多啲時間啊!
去到依度,今集東京之旅時間又到喇!
有機會丙哥同丙嫂再介紹其他地方畀大家知啦!拜拜!

奇景

2007-06-26T12:07:00.000+08:00

話說6月19日天空出現一隻龍龜!被公司同事拍下了,
我正好放假,到第二天上班才發現這件事!事發後第三天,
竟然在兩份報章報導這次奇境,更喻為,
哥斯拉襲地球!@@....還有$100稿費啊!
阿餃媽都覺得笨咗!無投稿!cccc

近況

2007-05-03T03:02:00.000+08:00

可能同性相拒啦! 咪女同毛仔硬係要分開瞓!唉!!!! 4月5日

眼啤啤! 睇黎咪女好唔耐煩咁喎!!!! 4月9日

兩隻野於日都掛住攤係度!!!! 4月20日

戰利品

2007-04-21T23:05:00.000+08:00

睇黎咪女對我今日的戰利品好有興趣咁喎!!^_^

4月1日.........變大啊!!!!

2007-04-01T02:05:00.000+08:00

小..........正常..........大..........特大

繼續......環球嘉年華!數攤位遊戲(部份)

2007-03-21T13:31:00.000+08:00

繼續......環球嘉年華盛況!

2007-03-16T12:39:00.000+08:00

雖然有毛毛雨,但因此人亦不多!

B女客串

2007-03-14T02:27:00.000+08:00

妹妹比我早幾日去環球嘉年華 !
仲掉倒好多公仔添 !... 不過...
全部都係.........達斯.... -___-"
阿僮僮仲好鐘意 , 所以就攞黎咗幅大合照 !

嘉年華

2007-03-12T01:01:00.000+08:00

昨日終於去了環球嘉年華!!!^^

雖然落住毛毛雨,但人小小,行起上黎舒服得多,

亦由於入場費包埋代幣,變相就一定要玩攤位,

投入感比當年要自己買代幣時就住就玩好得多.

玩多好多攤位,兩個人加起黎有60個代幣,

而最平的只需2個代幣最貴9個,平均3個的最多.

詳情過兩天再講了!!!^^

丙哥,丙嫂,僮僮仲有咪女同毛仔係度祝大家

2007-02-18T00:16:00.000+08:00

2007-02-08T11:46:00.000+08:00

新買回來的坐地椅,很快便給咪女攻佔了! ^^

2007-01-30T02:41:00.000+08:00

第一次影得亞ME女伸懶腰伸得咁清楚!!!!!^^

大被同眠....

2007-01-23T02:13:00.000+08:00

一月二十一日早上, 一早起床, 係床尾撞倒d野, 丙嫂就提我小心me女, 我便小心亦亦咁落床, 再打開張被睇睇, 有無整親亞me女大人, 打開發現原來連mo仔都係度! 當然第一時間攞相機啦, 最後都只係影倒mo仔走出黎咋! mo仔就係咁, 永遠都唔肯同me女合照! ^_^" (不過都好難得, 係我地一家五口第一次同一張床度瞓咋! ^^ 平時都係mo仔晚上入黎, 到第二朝出番去又到me女入黎咁, 好似換更咁! 要佢地一齊瞓簡直係奇景,不過就影唔倒我地一齊瞓,ccc)

邊得佢咁貪玩架....???

2007-01-15T02:52:00.000+08:00

昨日一早起床打開房門,阿丙嫂就係度大笑,..........點解????睇吓張相,你地聯唔聯想倒,亞ME女有幾咁想我地起身同佢玩喇!!!由玩具箱一件一件咁担過黎,都真係服咗佢.我地兩個都真係好想睇吓佢點樣一件件担黎,一定好好笑!!! ^____^

兩個一樣架......

2006-12-26T01:39:00.000+08:00

點解我會買依個飽(右邊)......見到依幅相,我諗大家都知點解啦!!!^^

2006-12-25T00:37:00.000+08:00

今年係棟冬凍第一年過聖誕!^^.....

而平安夜,我地一家五口就平平安安咁係屋企渡過!

丙媽丙爸代棟冬凍係度同大家講聲....

聖誕快樂!

張聖誕咭就由丙爸代表僮僮,仲有咪女同毛仔,

送畀丙媽啦! 佢咁辛苦要照顧晒我地啦^^!

依D就叫做嘆世界!!!!

2006-12-18T04:06:00.000+08:00

睇見佢唔知好嬲定好笑..........日日自己跳入房嘆世界!!!

雪人 ?

2006-12-05T12:11:00.000+08:00

咪女除咗係皮草 , 仲可以係一個雪球 , 用黎砌雪人啱晒 !

繼續......影腳腳

2006-12-05T12:03:00.000+08:00

影完毛仔當然要影埋咪女啦 ^^ !

哈哈 ! 一次過影晒四隻腳 , 高難度喇卦 !

提早聖誕了

2006-11-27T02:05:00.000+08:00

今日返青衣睇僮僮, 見妹妹部腦開住, 咪上吓咪咪麼麼囉! 點知先發現有聖誕裝登場了! 平時係屋企我從來唔Log out 所以唔會發覺, ^^真係新現, 原來Log in 咗可能睇少好多野!

發皮四

2006-11-26T02:22:00.000+08:00

早兩日帶完兩個女去洗白白, 點知返黎之後咪女唔同毛仔玩, 仲不停蛇佢, 攪到見親毛仔都係一個慘樣, 所以依幾日都無見佢兩個追追逐逐, 雖需然落得清閒, 但唔忍心佢兩個成日面阻阻, 今日終於有小小改善, 兩個肯一齊瞓疏化, 雖然仲未一齊玩, 咪女仲蛇緊, 但都叫做放心咗d! 希望佢兩個和好如初!(註:雖然其實兩個都從未好過cccc, 但起碼唔似得依家面阻阻丫!)

天殘腿

2006-11-26T02:18:00.000+08:00

見阿餃媽影得咁開心, 等我又黎影吓先!^^

走私貨!

2006-11-12T02:12:00.000+08:00

今日睇電視先知我係沙頭角批皮草畀警察叔叔起咗!

好彩,我私底下收埋咗一件藍影狐!呵呵呵!
(講吓笑!係我家咪女黎咋!咪拉我!)

還blog於咪!

2006-11-08T03:49:00.000+08:00

可能近排涼咗,佢兩個先少有咁親近,依個距離叫好近架喇!cc

芍僮昨天一早去完健康院打針,醫生話佢個頭圍大得快咗,一個月大咗3cm,有27cm,之後仲幫我同丙嫂睇過我個頭圍得45.5cm係細碼,而丙嫂係中碼,勁攪笑!之後返咗嫲嫲倒了,不過丙嫂唔係咁捨得!但短期內都會由嫲嫲照顧的了!無法子啦,丙哥丙嫂要搵食,僮僮要乖乖啊!亦由於僮僮有自己個Blog喇,因此咪咪麼麼個Blog會主力留番畀咪咪同麼麼(毛毛)用喇!^^

B女又有新禮物!

2006-11-06T13:08:00.000+08:00

昨日丙哥返工又幫B女收到份禮物了!真係多謝晒!B女會快高長大健健康康的了!^^

百厭星君

2006-11-06T05:50:00.000+08:00

近日!我家毛仔好百厭,無時無刻都會跳入房,為的咪又係B女!

丙嫂出馬了!

2006-11-06T05:02:00.000+08:00

係咪好想知丙嫂出馬做D乜呢???就係幫B女開咗個Blog囉!以後大家就可以上"芍僮的天空"八吓B女D近況!(唔知醜,講到B女好似明星咁,當人地係粉絲咩!)不過丙嫂諗住由囡囡出世到依家開始寫,所以有排先寫到近況,咁大家仍然可以密切留意咪咪麼麼!^^嘻嘻!係喎!B女有名的了,要改口叫僮僮!

大家唔使只係叫B女喇!

2006-11-05T12:16:00.000+08:00

有丙哥丙嫂,丙姐丙妹的禮物啦!同各方親友的利是!

有同事送架啦!

仲有朋友送架啦!

B女改咗名喇!叫"芍僮"!睇吓芍僮收咗D咩禮物先?

B女滿月喇! ^^ (11月4日)

2006-11-05T12:13:00.000+08:00

昨日同D親友坐埋食咗餐飯!食過紅雞蛋咁話啦!^^B女咁就一個月大了!ccc今日就同B女去行吓街街,阿丙嫂都好耐無行過街街,叫做一家三口聚吓天倫樂啦!同埋買吓玩具畀B女!買咗個床邊轉轉吓有音樂仲有幾個公仔釣釣吓嗰D,仲買咗個元寶仔畀佢,諗住每年買一個,等佢留番做嫁妝!^^

新登場!(10月27日)

2006-11-01T03:34:00.000+08:00

B女今日去做聽覺測驗(當然合格),終於可以一試同事所送的"咩帶"呵呵呵!

古古怪怪 ?

2006-10-30T02:28:00.000+08:00

今日餃媽米爸黎睇BB,走咗之後就喊咗幾個鐘,唉!都叫佢地帶佢番屋企(玩)架啦!ccc

近況(10月28日)

2006-10-29T02:38:00.000+08:00

B女近排好肉地咗了,而個名亦快有定案,好快就有名叫了!^^

雙依為命!

2006-10-21T03:51:00.000+08:00

我家的兩個小公主很久沒有上黎和大家見面了!

現在,兩姊妹雙依為命(只是她們認為),晚晚妳追我逐,吵過不停.

掙靜下來,還是乖乖的啊!

B女最愛! (10月16日)

2006-10-17T03:52:00.000+08:00

大家知唔知B女最鐘意係乜丫?...就係O字咀喇!哈!哈!哈!

畀大家望真一點! (10月15日)

2006-10-16T03:45:00.000+08:00

畀大家望真一D!睇吓B女似丙嫂多D定似丙哥多D丫哪?
阿B女成日都單眼電人,大個一定係萬人迷!!!

小米袋 (10月14日)

2006-10-15T01:17:00.000+08:00

丫!係都要捉住丙哥唔放!
嘩!依個咪係愛心米袋仔(箭咀所指,由手巾變成),係丙嫂整架!
B女!諗緊咩咁認真呀?

望真D!

2006-10-13T20:55:00.000+08:00

B女 : 一大早!!乜有個大叔望住我望到實一實!喂!乜事呀??

丙哥 : 衰女包,眼定定唔識我呀!妳老豆呀!
兩哥 : B女仲乜拗晒頭呀?驚無飯開呀?
丙哥 : 嘩!乜瞓到妳則晒身呀?
丙哥 : 問多兩句嗟,晒唔晒喊呀!

10月12日B女第一日見兩位姐姐了!

2006-10-13T19:14:00.000+08:00

今日!阿丙嫂話好掛住咪女同毛仔,所以B女要跟埋一齊由嫲嫲家搬番我地自己屋企了!

就黎可以見到兩位姐姐(咪女同毛仔) ,睇佢個樣都唔知想點!
為咗B女返屋企有床瞓,昨日妹妹送咗張輕便床仔畀B女!你地睇佢冧到包埋個頭瞓添!

為食B!

2006-10-11T19:21:00.000+08:00

阿B女好為食架!你擺隻手指係佢咀邊,佢就以為有野食,好開心架喇!不過隔多陣再無野食佢又扁咀架喇,勁攪笑!(一笑就唔定,好難影!)

^^ B女返屋企了!

2006-10-11T13:39:00.000+08:00

B女昨日要照燈,丙嫂可以返屋企休息番吓了!你睇咪女,可能耐無見丙嫂,所以成日係房門口看到實,申到條頸幾長!..CCC
返屋企囉!返屋企囉!...妳睇B女幾開心(不過好懶瞓,見親都係瞓交交豬!)!

今日又要照燈了! >"< (10月10日)

2006-10-11T13:33:00.000+08:00

阿B女!妳黃噤噤要照燈啊!仲咁開心!真係無妳收!

小毛見大毛

2006-10-09T23:50:00.000+08:00

你地睇!B女隻手仔有排都追唔到阿丙個隻咁大啊!呵!呵!呵!
呀!妳個B女仲咁得戚!真係無妳收!

回家了!!! ^^ (10月8日)

2006-10-09T23:35:00.000+08:00

我就係B女喇!我今日出院了!^^

扁咀!!!!

2006-10-08T02:02:00.000+08:00

昨日阿B女要照燈,所以連阿丙哥都無得睇!更可況影相....>"<

而再前一晚,聽阿丙嫂講,阿B女食唔飽發皮四扁咀仲扮瞓!!

連姑娘見倒都話:BB發皮四扁咀呀!!我聽倒都笑到扒地!!^_^笑爆咀!!

中秋節快樂!!!!!!

2006-10-06T22:51:00.000+08:00

B女趕得切同大家講聲中秋節快樂啊!!!!不過今年由阿丙哥我代佢講住先啦!!!^^當大家係道食月餅之制,阿B女見倒都好想食但又無得食,所以要咬住被被先啦!!!呵呵!!!(B女好乖架,肚仔餓都係咬吓被被無喊架!!!^^最多扮吓喊!!!) 昨天忙記同B女影相,有d失望!

驚喜!!!!!!!!

2006-10-04T23:54:00.000+08:00

丙嫂經過21個鐘努力 ! B女終於出世喇 !!! ( B女真係奀皮 ) 在此 , 多謝大家關心和祝褔 !
送上B女大腳板一隻 !!!

出年雖然要派利是 ,但B女會幫我逗番返黎的了ccccc !!!

7-11維尼變變變!!! (續)

2006-10-03T01:09:00.000+08:00

終於儲齊1至30維尼換衫磁石貼,但特別版還差31及32,仍需努力!!!喔殊!!! (貼滿雪櫃!!)

國慶節目

2006-10-02T00:54:00.000+08:00

一年一度國慶又黎喇!最好的節目係咩?就係呆等....運到!

小禮物

2006-09-24T03:18:00.000+08:00

一對新人所送出的精緻小禮物,共兩款!^^...............

Mandy & Sam Wedding

2006-09-24T02:14:00.000+08:00

2006/9/23 Mandy & Sam 正式步入教堂,在主的見證下結為夫婦,

在此,再一次祝願一對新人,白頭到老,永結同心!恭喜!恭喜!

糖困玩具放大版.....

2006-09-17T23:48:00.000+08:00

真實的公仔型麵包!!!^^原來係咁樣的...............

7-11維尼變變變!!!

2006-09-17T02:22:00.000+08:00

攪事鐘意維尼熊而亞朱又鐘意儲野!!!!就係咁,維尼熊就跟咗我地返屋企喇!!!仲差幾個,仍需努力!!!!^^

儲物狂001

2006-09-04T04:53:00.000+08:00

今日首先登場的係盒裝蛋糕/餅乾系列.....!!!!

戰利品

2006-09-04T01:59:00.000+08:00

話說昨日阿朱同攪事去咗吉之島行街街,諗住睇吓有咩平貨執,行吓行吓就去到食品部.阿朱望兩望發現咗d野,就係上面嗰d盒裝糖果精品喇!!!嘩!!仲有好多款添...最重要係賣$17.9比平時平啊,平時見都賣$24咗近.阿朱一向都好想買這類形的小玩意,只不過種類太多,亦好象無止境似的,所以一直都忍住手唔買,誰不知,這時攪事走埋黎問阿朱睇乜野呀,攪事這時己經見到阿朱手持三盒了(一盒麵包,一盒蛋糕同另一款食物(為了南瓜頭))!之後對阿朱講,係咪鐘意呀,蛋糕同麵包呀??咁不如成盒(一套)買啦!阿朱當然心裏暗地裏非常開心啦,但仍然好冷靜咁回答一句好呀!!便叫售貨員拿了兩套來.而為了想要南瓜頭,所以另外買多兩盒散裝的,最後亦得嘗所願揪中了!!^^勁!就係咁......阿朱的儲物嗜好又多一樣了!!cccccc

沙田堆沙之旅.....

2006-08-31T03:09:00.000+08:00

登登登...登.........推沙之旅正式開始...................
今日的主角就係...................白雪公主................^^
話說有一日!......係城堡...皇后如常對著魔鏡閒話家常,.....點知講講吓魔鏡同皇后講,...早兩日係街口見到個靚女喎,.....仲靚到天仙咁!....當然聽到皇后眼火暴啦!最後畀佢知道個女仔原來就係白雪公主黎.....於是......!
過場......................................城堡的過街老鼠!
經過同皇后的對坑,.......公主逃到一個樹林中,.....暈到過去!!!....畀一班哈比人救咗!!... 皇始得知公主下落....決定親自出馬,仲帶埋生晒蟲o既蘋果黎,諗住用黎毒死公主!
最後...................................返黎城堡喇!!...點解返黎......因為......之後無影到囉嗦!!呵呵......
今日推沙之旅就咁就完咗喇..!!!!^^下次再見................

花絮1

2006-08-07T03:34:00.000+08:00

係咪好大隻加菲呢....?

第十屆軍冠貓展(下回)

2006-08-06T03:33:00.000+08:00

入到會場,比我想象中細,亦好少用品攤檔,主力都係喺貓展身上,雖然場中參展的貓貓大多都係個籠入面,但亦有部份主人讓他們的小寶寶比大家接觸拍照,其中睇吓中間隻貓貓幾咁神氣,左邊隻就走去人地個籠前面參觀一番,而右邊的就唔係咁好老皮了!!!
場中亦有一些展品給人欣賞!!!
當中有一這畫啦!!仲有部份可以比你買番屋企,亦有一些擺設等.....
仲有一些比較大路的寵物食品呀(貓吵,貓糧等...),用品(寵物袋,籠,玩具等...)呀咁,但都不太特別亦都唔多,所以無放相上黎了,精品就更加少.......本來一心諗住可以買件玩具給咪女做生日禮物的(2/8),但最後都只係空手而回,喔噢......唯有欠住先啦!!!!

第十屆軍冠貓展(上回)

2006-08-06T03:18:00.000+08:00

昨日去咗會展睇貓貓展^^

發現,參展的貓貓係眾目睽睽底下都仍然好八卦咁手舞足蹈,換轉係我家的兩隻死女包就一定縮到有咁埋得咁埋了!!!得番個大囉柚都似.....

繼續......

2006-07-31T02:53:00.000+08:00

首先一入到會場就見到一間間色彩繽紛的小屋,原來每一間都係冬暖夏涼既冷氣別墅,嘩....阿咪女見到一定開心到震....,其間仲見到ok仔添!!另外,有好多檔口都有狗仔坐陣,招呼吓大家咁...!!亦有好多寵物用品,仲見到有寵物跑步機.....勁!!!

場館內小量有趣小玩兒,其中我最愛薑餅人公仔($50),但太大個了,咪女毛仔唔啱玩,雖然我好想買,但心諗,屋企太多公仔了,買咗番去都係擺埋一二邊,最後忍手無買!!

場中都搵到一些小貓,企係主人身上(留意左右兩隻,佢地係自己企係度,主人完全無理任我影),我見場館內全都是人和狗,但見佢地無有怕的樣子,我就諗起我家的兩條無胆鬼,如果係亞咪女,就一定捐咗入我件衫度都似......呵呵!!

臨離開時,見到一個小朋友好主動咁,一見到狗仔就搶前叫屋企人幫佢影相,不論大狗小狗都不放過,雖然看上去好得意,不過就連問都無問過小狗主人就飛身攬埋去就有點兒那個了....

寵物水族用品及服務展

2006-07-30T03:53:00.000+08:00

今日第一次去機場博覽館(地方好似難民營),睇咗個寵物乜乜用品展,

個展館唔算大,灘位亦唔多,大部份都係賣衫衫帽帽同寵物袋呀咁,

小量玩具,但就無見有貓貓玩嗰d爪爪柱,或大型組件咁,

主力都係狗狗用品多,場中就到處是狗,有手掌咁細,亦有成個人咁大,

仲久不久會見到有人中地雷(勁臭).不過都唔係狗仔玩晒,

全程我都見過數隻貓貓係場中出現(相片留待明天發布),

最後我地都只係買到一個小玩具給咪咪毛毛玩咋.....待續!!!!!

成長中

2006-07-24T03:29:00.000+08:00

小花一天一天在成長......轉眼間又差不多一個月了!!!!

咪咪麼麼

僮僮B已經參加咗"Canon全港精靈BB選舉大賽"請大家湧躍投佢神聖一票!!!^^

自家製Tee

翻新!!!

08年10月24日 阿僮木大戰迪迪尼 Halloween -三部曲

萬聖節卡

儲齊咗喇!!!!

08年10月10日 阿僮木大戰迪迪尼 Halloween -二部曲

08年10月4日...僮僮2歲喇!!!

08年7月26日...福娃迎奧運

08年8月29日...籠屋

08年8月26日...4歲的me女係幾咁長架!

08年7月18日...不一樣的雞蛋仔!!!

08年7月12日...我們這一家....

08年7月12日...兩熊相遇...

08年6月25日...晒冷

08年6月21日...遊MegaBox

08年6月10日...阿僮木大戰迪迪尼-二部曲

08年6月13日...甜甜密密

迷你檔口仔

08年5月21日...阿僮木大戰迪迪尼-首部曲

08年5月20日...一個不平凡的日子

食過最快的混一色牌！

新一年又到喇!!!!!

meme : 我靚嘛????

2008年1月8日

2008年1月6日

走犯

哈嚕哈嚕....喂!!!!

2007年10月7日

登..登..登..鄧...........緊張時刻到喇!!!!!!

最新消息!!!

"僮"畫世界

中秋晚會

失物!!!

新入貨!!

新購魔物!

新增"魔舖"欄

新發現

丙哥丙嫂網上相簿

東京之旅 07'

奇景

近況

戰利品

4月1日.........變大啊!!!!

繼續......環球嘉年華!數攤位遊戲(部份)

繼續......環球嘉年華盛況!

B女客串

嘉年華

丙哥,丙嫂,僮僮仲有咪女同毛仔係度祝大家

大被同眠....

邊得佢咁貪玩架....???

兩個一樣架......

依D就叫做嘆世界!!!!

雪人 ?

繼續......影腳腳

提早聖誕了

發皮四

天殘腿

走私貨!

還blog於咪!

B女又有新禮物!

百厭星君

丙嫂出馬了!

大家唔使只係叫B女喇!

B女滿月喇! ^^ (11月4日)

新登場!(10月27日)

古古怪怪 ?

近況(10月28日)

雙依為命!

B女最愛! (10月16日)

畀大家望真一點! (10月15日)

小米袋 (10月14日)

望真D!

10月12日B女第一日見兩位姐姐了!

為食B!

^^ B女返屋企了!

今日又要照燈了! >"< (10月10日)

小毛見大毛

回家了!!! ^^ (10月8日)

08年10月24日阿僮木大戰迪迪尼 Halloween -三部曲

08年10月10日阿僮木大戰迪迪尼 Halloween -二部曲