08年7月18日...不一樣的雞蛋仔!!!
今日我哋丙家又出動去太古城散步...，離開前到吉之島掃吓！係食街，阿丙媽發現樣新奇東東，
一眼望上去，樣子十足我哋平時食嗰啲雞蛋餅，
仲有十幾款不同顏色不同口味畀大家選擇，
本來我就無乜興趣，但阿丙媽企咗係廚窗前好耐都唔行...
一直想等售貨員來，想問吓有無得試食，但看來就無了。
因為我見售貨員一埋嚟，丙媽就已經依個依個咁點緊心水款式了！
最後就係選咗依五粒嘢！
大家實係心諗...乜得五粒咁少？又話雞蛋仔，唔係一底底咩？
所以我話似嗟，其實佢係隻法國杏仁餅！一盒12粒，一粒粒賣的！
大家睇吓個價錢就知點解買得五粒喇！依度就係五粒的價錢！
